Foto

Azərbaycan Dövlət Uşaq Filarmoniyası

Tarİx və haqqında

Azərbaycan Dövlət Uşaq Filarmoniyası
Azərbaycan Respublikası Nazirlər Kabinetinin 2 sentyabr 1991-ci il tarixli 291 saylı qərarı ilə yaradılmışdır. Mədəniyyət Nazirliyinin 18 oktyabr 1991-ci il tarixli 361 saylı əmrilə rəsmiləşdirilmişdir. Filarmoniya Azərbaycan Respublikasının Mədəniyyət Nazirliyinin tabeliyində fəaliyyət göstərir. Filarmoniya yerli mədəniyyət orqanları,musiqi məktəbləri,yaradıcılıq ittifaqları və başqa ictimai təşkilatlara sıx əlaqədə fəaliyyət göstərir.

Azərbaycan Dövlət Uşaq Filarmoniyasına hal-hazırda Azərbaycan Respublikasının Əməkdar İncəsənət xadimi Dilarə Əliyeva rəhbərlik edir.

Filarmoniya uşaqların bədii-estetik inkişafında, istedadın üzə çıxmasında, onların formalaşması ilə əlaqədar daim sistemli iş aparır. Azərbaycanın mədəniyyətini,xalq rəqslərini,mahnılarını,muğamın incəliklərini itirməmək və bəstəkarlarımızın,şairlərimizin əsərlərini gənc nəsilllər tərəfindən qoruyub,saxlamaq Filarmoniyanın əsas məqsədidir.Uşaq konsert təşkilatı olaraq geniş konsert və maarifçilik fəaliyyəti aparılır,uşaq auditoriyasını milli mənəvi sərvətlərə yaxınlaşdıraraq uşaqların arasından istedadlar aşkar edilir.
İl ərzində Uşaq Filarmoniyasında 4 yaşından 18 yaşınadək 500-dən artıq uşaq fəaliyyət göstərir.

Filarmoniyada müxtəlif kollektivlər fəaliyyət göstərir:
Uşaq Folklor Mahnı və Rəqs Ansamblı
Uşaq Xalq Çalğı Alətləri Ansamblı
Uşaq Xor Kollektivi
Uşaq Teatrı
Uşaq Kamera Ansamblı
Uşaq Nəfəsli Alətlər Ansamblı
Bacarıqlı Əllər Rəsm dərnəyi
Uşaq Gənclər Simfonik Orkestri
Uşaq Gənclər Xalq Çalğı Alətləri Orkestri

Uşaqlarla Respublikanın tanınmış sənətkarları, xalq artistləri, incəsənət xadimləri tədris aparırlar. İstedadlı uşaqlar Beynəlxalq, Respublika festival və müsabiqələrində iştirak edib, laureat adlarını qazanıblar.
Dünyanın müxtəlif ölkələrinin, habelə, Fransa, Şotlandiya, İngiltərə, Avstriya, Türkiyə, Rusiya, Latviya, Moldova, Qırğızıstan, Qazaxıstan, Gürcüstan kimi dövlətlərin möhtəşəm konsert salonlarında öz məharətlərini yüksək səviyyədə göstəriblər. Eyni zamanda Dövlət tədbirlərinin daimi iştirakçısıdırlar.Belə ki, Bakı 2015 Birinci Avropa Oyunlarında Filarmoniyanın xor kollektivi iştirak etmişdir. Yüzlərlə uşaq özlərinə sənət seçib,teatr, konsert və musiqi təşkilatlarında çalışır, bir çoxları Musiqi Akademiyasının,Milli Konservatoriyanın, İncəsənət Akademiyasının tələbəsidirlər.
Bu gün böyük səhnələrdə çalışan bir çox incəsənət nümayəndələri Dövlət Uşaq Filarmoniyasının yetirmələridir:

Xalq artistlərindən - Rüfət Xəlilov, Zabit Nəbizadə, Aygün Bəylər
Əməkdar artistlərdən - Əliağa Sadıyev, Ramil Qasımov, Səlim Abbasov, Əkbər Ələkbərov, Bəyimxanım Vəliyeva
İfaçılardan - Gülay Zeynalova, Samirə Əliyeva, Ələkbər Əkbərov, Zabıtə Alıyeva.

Azərbaycan Respublikası Prezidentinin imzaladığı Mədəniyyət haqqında Azərbaycan Respublikası Konstitusiyasının 94-cü maddəsinin I hissəsinin 1-ci bəndini əsas tutaraq Filarmoniya Mədəniyyət sahəsində gənc istedadların axtarışı,inkişafı prinsipini daima davam etdirir.

KOLLEKTİV

Dİlarə Əlİyeva

Azərbaycan Respublİkasının Əməkdar İncəsənət Xadİmİ
Azərbaycan Dövlət Uşaq Fİlarmoniyasının Rəhbərİ

Samİrə Əmİraslanova

Direktor Müavİnİ

Cahangİr Zülfİqarov

Bədİİ rəhbər

Fİkrət Musayev

Baş rejİssor